Рускиот борец Хабиб Нурмагомедов одби 15 милиони долари за новата борба со Конор Мекгрегор.
Веднаш по поразот во Лас Вегас Ирецот побара реванш, но Нурмагомедов нема намера повторно да се соочи со него. Ова го потврди неговиот чичко.
„Хабиб не е заинтересиран за Конор, не сака да се бори за било какви пари. Знам дека му нудат реванш, од самиот почеток му понудија 15 милиони долари, но веднаш рече дека нема да има ништо од тоа. Конор нека се бори со други, Хабиб сака борба со Тони Фергусон“, откри Алекс Нурмагомедов.
Борбата меѓу Хабиб и Тони Фергусон е планирана за идната пролет, а се шпекулира дека по неа Хабиб би можел да се повлече.