За интровертите се шират муабети дека се здодевни и асоцијални. Тие знаат што е храна за душата, а во тоа спаѓа најмалку 30 минути читање кое значително го намалува нивото на стрес.
Наместо излегување во некој ноќен клуб, интровертите сакаат да останат дома, да си пуштат музика по свој избор, да играат игри или да гледаат серии.
Она што е најважно да се напомене за нив е тоа што интровертите сакаат луѓе, но поважен им е квалитетот отколку квантитетот, па уживаат во дружење 1 на 1.
Списанието Personality Growth пишува дека постои тест за тоа дали спаѓаме во оваа категорија на луѓе. Можеби сте слушнале за тестот Myers-Brigs тест на личност според кој постојат 16 категории. Доколку ги анализираме карактеристиките на INFJ и INTJ карактери, ќе сфатиме дека овие луѓе се склони кон тоа најмногу време да поминуваат дома. Тие се карактеризирани како интровертни, интуитивни, чувствителни и проникливи.
Данскиот филозоф Свенд Брикман, автор на книгата „The Joy of Missing Out“, во една прилика истакна дека потрошувачкото општество во кое живееме ја наметнува потребата секогаш да постигнуваме подобри резултати, што е лошо за голем број на луѓе бидејќи не секој човек е ист. Затоа е во ред понекогаш да останете сами дома и да посветите време на себеси иако не сте интроверт.
Ова особено важи во овој период во кој најмногу уживаат интровертите.
