Свет

Најлошата недела во Венеција во последните 150 години

17. ноември 2019 - 16:58 | Б.С.Б.

Венеција претрпе уште една плима чија висина достигна 150 сантиметри. За градот, тоа беше најлошата недела во последните 150 години, од почетокот на мерење на плимата во 1872 година.

Одделот на градската управа за предвидување плими предупреди дека во недела може да достигне 160 сантиметри, а измерените 150 сантиметри не беа далеку од тоа.

Плоштадот Свети Марко е целосно поплавен, а стотици волонтери им помагаат на граѓаните да се справат со вонредната состојба.

Градот, познат по уникатната архитектура и уметност, во вторникот беше погоден од плима од 187 сантиметри, која ја предизвика најлошата поплава во последните 50 години.