Можете безусловно да им верувате, знаат да чуваат тајни, ги привлекуваат емотивни луѓе, сакаат без ограничување и запирање, безнадежни романтичари се.
Да, зборуваме за Рибите.
Врската со личност во овој хороскопски знак ќе ви биде исполнета со нежност и романтика, стои во астролошката анализа на Cosmopolitan за Рибите.
Ако сакате незаборавен прв состанок што ќе трае до долго во ноќта, а нема да забележите колку време поминало, Рибите се вашиот идеален партнер.
Не сакаат кратки врски, а уште помалку авантури за една ноќ.
Рибите се чувствителни, фантазери, но и мистични личности.
Благодарение на нивната неверојатна интуиција го предвидуваат вашето расположение и се прилагодуваат на условите само за да сте задоволни и среќни.
Рибите се пожртвувани и сочувствителни, и како пријатели и како партнери.
Астро-двојки
Личностите родени во знакот Риби имаат најголема компатибилност со следниве хороскопски знаци:
РИБИ – Имаат исти очекувања од љубовта, постојат еден за друг.
СКОРПИЈА – Водените знаци се емпатични, посветени и страсни. Одлично се разбираат, комуницираат на сосема друго ниво и поврзани се како ниту една друга астролошка љубовна комбинација.
ДЕВИЦА – Овие личности силно влијаат на Рибите. Овој астро-пар е доказ дека спротивностите се привлекуваат. Девиците се одлично приземјување за романтичарски настроените Риби и обратно.
Како да знаете дека му се допаѓате на некој роден во знакот Риби?
Рибите се исклучително емпатични, нивната мисија во животот е да им помагаат на другите, а сакаат психички силни личности на кои може да се потпрат и огледаат.
Ќе знаете дека личност родена во знакот Риби ви фрлила око – ќе ви го покаже тоа со некој романтичен гест. Очекувајте и срамежливи погледи, зацрвенети образи и комплименти секогаш кога е во ваша близина.
Како да ги освоите Рибите? Праќајте им слатки пораки, бидете искрени со нив, откријте им ги своите тајни, потрудете се да ги насмеете и секако – бидете романтични.
За да ги задржите, бидете доследни на ваквото однесување – Рибите нема да ви простат лажно претставување.