Џек Ма, основач на Alibaba и најбогат човек во Кина, донираше 100 милиони јуани (14,4 милиони долари) преку неговата фондација за да помогне во развојот на вакцина против корона вирусот што почна да се шири од Вухан.
Милијардерот нагласил дека 5,8 милиони долари треба да завршат кај две кинески владини истражувачки организации, а остатокот да се намени за мерки за „превенција и терапија“.
Донацијата на Ма следи неколку дена откако компанијата Alibaba основа фонд од 144 милиони долари за купување медицински залихи за Вухан и провинцијата Хубеј, епицентарот на епидемијата со корона вирусот.
Кинески и американски научници се само дел од оние кои работат на наоѓање вакцина за вирусот.
Според доктор Ентони Фаучи од Националниот институт за алергии и инфективни болести на САД, ќе биде потребно најмалку една година додека да се добие вакцина за вирусот од кој досега починаа најмалку 132 лица, а речиси 6.000 се заразени само во Кина.
Потврдени се уште 80 случаи надвор од Кина, вклучувајќи ги оние во САД и Австралија.
