Со 117:95 кошаркарите на Далас Маверикс го загубија првиот натпревар од второто коло од плеј-офот за Западната конференција на НБА на гостувањето кај Оклахома Сити Тандер.
Главната причина за поразот на Далас лежи во тоа што на Лука Дончиќ не му одеше шутот. Словенецот постигна 19 поени, но промаши дури 13 шута, а за 3 поени упати мизерни 1/8.
Кај Далас најефикасен беше Кајри Ирвинг со 20 поени.
На другата страна се истакна Шеј Гилџс-Александер, кој натпреварот го заврши со 29 поени, 9 скока и 9 асистенции.
Водството во серијата од второто коло од плеј-офот, но на Истокот, го доби Бостон Селтикс, кој на домашен терен беше подобар од Кливленд Кавалирс со убедливи 120:95.
Џејлен Браун со 32 поена го предводеше Бостон до победата, додека на другата страна Донован Мичел постигна 33 поени.
