Болница од Вашингтон неодамна објави 3Д видео од бели дробови на пациент заразен со коронавирус.
Видеото покажува големо оштетување на белите дробови на здрав маж на 59-годишна возраст со зголемен крвен притисок. Со оглед на тоа дека човекот станува тешко болен на пациентот му е потребен респиратор за да дише, но дури и тоа не е доволно.
„Ова не е пациент кој боледува од дијабетес, ослабен имунитет од 70-80 години, вели доктор Кит Мортман. „Освен висок крвен притисок човекот нема други здравствени тешкотии“.
Подрачјата означени со жолта боја во видеото претставуваат заразени и воспалени делови на белите дробови. Кога белите дробови ќе наидат на вирусна инфекција органот почнува да го уништува вирусот. Од скенирањето е јасно дека оштетувањето не е локализирано на едно подрачје туку прекрива огромни површини на двете белодробни крила, покажувајќи колку брзо и агресивно дошло до инфекција, дури и кај помлади пациенти. Пациент со здрави бели дробови не би имал жолта боја на скенирањето“, објаснува докторот.
Пациентот останува на интензивна нега и е во критична состојба.
Кај некои луѓе оштетувањето би можело да биде непоправливо, предупредува докторот.
