Турист го сними моментот на ерупцијата на вулканот на Белиот Остров во Нов Зеланд.
Најмалку пет лица загинаа и 20 се повредени, додека неколкумина се водат како исчезнати во вчерашната вулканска ерупција.
Од брзата помош известија дека 20 лица се повредени, додавајќи дека испратиле седум хеликоптери со лекари на островот.
„Дваесет и три лица, најверојатно туристи од крузерот Ovation of the Seas, беа спасени од Белиот Остров каде избувна вулканот“, соопшти полицијата.
Турист го сними моментот на ерупцијата на вулканот на Белиот Остров и ја долови морничавата паника меѓу патниците.
*Внимание! Содржината на видеото може да ве вознемири
