Македонскиот репрезентативец, Бојан Миовски, го однесе Абердин во финалето на шкотскиот Лига куп.
Миовски во 78. минута го постигна голот со кој Абердин славеше победа над Хиберниан. Полуфиналниот меч се играше на „Хампден Парк“ во Глазгов.
Репрезентативецот на Македонија голот го постигна кога неговиот тим имаше играч помалку на теренот.
Абердин по пауза од четири години повторно ќе се бори за трофејот во Лига купот. Противник во финалето ќе му биде подобриот од денешното полуфинале меѓу Хартс и Ренџерс.
