Според италијанските медиуми, двата клубови од Милано пронајдоа заедничко решение и одлучиле дека ќе го реновираат „Сан Сиро“, наместо да се селат од легендарниот стадион.
Стадионот „Сан Сиро“, кој е познат и како „Џузепе Меаца“ кога на него игра Интер, би можел да стане еден од најсовремените стадиони во Европа, но навивачите на двата тима се одлучни да дочекаат официјална одлука на клубовите пред да почнат да се радуваат за овие вести.
Во текот на вчерашниот ден челниците на Милан и Интер имаа состанок на кој се разговараше за иднината на стадионот, и според италијанските медиуми тие се решиле дека наместо двата клуба да градат нови стадиони, ќе го реновираат легендарниот „Сан Сиро“.
Првата иницијатива за селење од „Сан Сиро“ ја покрена старата управа на Милан, предводена од Силвио Берлускони, кои сакаа да изградат нов стадион во едно од предградијата на Милано. Но, подоцна дојде до промена на сопствениците и новиот претседател на Милан не се сложи со одлуката бидејќи тие имаа бурен трансфер период и веќе потрошија многу пари.
Двата претставници на клубовите вчера разговарале и со градоначалникот Џузепе Сала, при што биле договорени првите услови за реновирање на стадионот.