Аргентинецот испратил бурофакс до клубот известувајќи го дека сака да си замине користејќи клаузула во договорот.
Шпански AS открива дека во каталонскиот клуб се случила преписка преку бурофакс помеѓу Лео Меси и управата. Ѕвездата на Барса испратила барање да му биде дозволено да го напушти клубот согласно клаузулата во договорот која гласи дека по крајот на секоја сезона играчот има право да го раскине договорот и да си замине.
Од клубот не се согласиле со неговото барање и му испратиле одговор да се премисли и да ја заврши кариерата носејќи го каталонскиот дрес. Ова го потврдил самиот клуб, вели AS.
Клаузулата во договорот на Меси предвидува дека играчот може да си замине активирајќи ја истатата најдоцна до 10 мај, а дефинитивно да си замине до 10 јуни, зашто Барселона и му напоменала дека датумот за оваа сезона е поминат. Аргентинецот смета дека поради пандемијата и одложувањето на сезоната, која заврши на крајот на јули, истиот датум е неважечки.
Според пишувањата на AS, очигледно Меси е решен да ја напушти Барселона. Како негови следни дестинации се споменуваат Интер, Манчестер Сити, па дури и ПСЖ, но засега сѐ е во рамките на шпекулациите.
