Ромелу Лукаку дигна прашина во Италија додека го заобиколи „својот“ Интер и се ракуваше со Јувентус. Му се налутија во Милано, сепак не беа подготвени да му понудат плата од 9 милиони евра како клубот од Торино.
Белгиецот се договори за договор на три сезони и сега чека „Старата дама“ да најде заеднички јазик со Челси, кој нема да го продаде за помалку од 40 милиони евра. Лукаку како позајмен играше за Интер, но е во сопственост на клубот од Лондон.
Јувентус во моментов ги нема тие финансии, но го има Душан Влаховиќ кој го бара Челси, но и ПСЖ. Според веста од пред два дена, парижаните биле поблиску до договор со Италијанците, иако една навивачка група била против доведување на Србинот. Челси сѐ уште е во потрага по шпиц, а по потписот на Лукаку сигурно најисплатливо ќе им биде да го доведат српскиот репрезентативец.
Чудната „размена“ на играчи меѓу Јувентус и Интер ја надополни довчерашниот играч на Јуве, Колумбиецот Хуан Куадрадо, кој се договори со „Нераѕурите“.
Интересно ќе биде како Лукаку ќе игра пред навивачите кои расно го навредуваа изминатава сезона, со кои влезе и во конфликт, а сега ќе треба со нив да споделува радост.
