Јапонскиот премиум бренд ја објави првата фотографија, како и видео од новата генерација на лимузината ES.
Актуелниот Lexus ES е претставен во 2012 година, а наскоро пристигнува наследникот кој ќе дебитира на саемот на автомобили во Пекинг, кон крајот на април.
Првата фотографија открива дека новиот модел има значително помодерен дизајн во однос на својот претходник, со голема маска по која се препознатливи моделите од последната генерација на Lexus.
Автомобилот е базиран на механичката платформа на Toyota, TNGA, со преден погон, која ја користат и моделите како што се Toyota C-HR, Pirus или Camry.
Lexus за сега не објави технички детали, но се очекува понудата на моторот да опфаќа и 3,5 литарски V6 со околу 300 коњски сили.
Исто така се очекува и стариот автоматиски менувач со 6 брзини, да биде заменет со осумстепен автоматик.
Хибридната верзија на Lexus ES покрај електромотор, ќе користи и четирицилиндарски бензинец.
Кога подоцна оваа година ќе се појави во продажните салони, новиот ES ќе се соочи со силна конкуренција која ја сочинуваат модели како што се Volvo S90, BMW Серија 5, Jaguar XF, Audi A6 и Mercedes E класа.