Говорот на колегите министри на самитот во Скопје е доказ дека западните политичари не ја научиле лекцијата, порача на денешната прес-конференција првиот човек на руската дипломатија, Сергеј Лавров.
Лидерите на Западот, рече Лавров, ги игнорираат основните принципи на организацијата ОБСЕ.
„Македонскиот претседавач Бујар Османи промовира многу добар слоган, ‘Се работи за народот’, но вчера за време на работниот ручек им кажав на колегите дека верувам дека се работи за луѓето, но за сите луѓе од земјите од ОБСЕ. Тие се загрижени само за луѓето за кои имаат интерес. Да бидам искрен, јас сум свесен од резултатот на оваа мала борба, самитот е за одредена група на луѓе, не за сите“, истакна Лавров.
Преку информациите што деновиве беа присутни во јавноста за средбата со Блинкен, Лавров со одговор:
„Блинкен го одбегна митингот, а јас сум тука, не го видов тука, но Захарова ми покажа две фотографии во македонските весници. Првата од синоќа кога сите дојдоа на вечера, тие се фотографираа со Блинкен и тоа го направија за да кажат дека сите дојдоа, освен Лавров“.
„Од вчера, од утринската сесија, на која бев и јас, на фотографијата немаше украински министер, немаше полски. Тие се кукавици, се плашат од разговори тука пред сите. Ова е кукавичлак, поминаа две години од овој конфликт и видовме дека никој немаше аргументи за конфликтот“, додаде Лавров.
Тој на прес-конфренецијата упати и критики како за Западот така и за новинарите.
Рече дека е разочаран оти новинарите го прашувале „кога ќе ја запрете војната“ бидејќи, според него, тоа не е војна.
