Без разлика колку вакви слични видеа на трки меѓу авион и суперавтомобил сме виделе досега, тие секој пат привлекуваат внимание.
На Twitter е објавено видео во кое е снимена трка меѓу Lamborghini Huracan Perfomante, едно од најбрзите итлаијански возила и воениот авион MIG-29K.
За максимално забрзување на Lamborghini Huracan Perfomante му се потребни 2,9 секунди, а неговата максимална брзина е 325 километри на час. MIG-29K е воен руски авион, а Индија има флота од овие авиони со модерна надградба. Трката е дел од филм што ќе биде прикажан во текот на настан приреден од морнарицата на Индија во декември.
Видеото го објави Анил Чопра, пензиониран пилот на индиската авијација.
