Славниот холивудски режисер Квентин Тарантино стана татко на 57 години откако неговата сопруга Даниела му роди син.
Според The Jerusalem Post, Израелката Даниела која е 20 години помлада од Квентин, се породила во Тел Авив.
„Даниела и Квентин со радост соопштуваат дека им се роди првото дете“, соопшти нивниот портпарол.
Двојката се венча пред две години на свеченост на која присуствуваа некои од најголемите имиња во Холивуд.
Времињата сигурно се менуваат за Тарантино, кој славно имаше изјавено дека ако има сопруга и дете тоа ќе му пречи во процесот на снимање филмови и дека сака да се фокусира само на кариерата.
„Кога снимам филм не правам ништо друго“, изјави своевремено Тарантино.
„Сѐ е во филмот. Немам жена. Немам дете. Ништо не ми пречи. Цел свет може да оди во пеколот и да изгори. Не ме интересира. Ова е мојот живот. Тоа е како Монт Еверест. Ако се качувате на Монт Еверест не правите ништо друго“, рече тогаш режисерот.
