Надежите на Косово дека во последен момент ќе може да сметаат на голгетерот Ведат Муриќи паднаа во вода откако прегледите во Лацио покажаа дека не е во состојба да игра.
Селекторот Бернар Шаланд беше песимист околу доаѓањето на Муриќи, но целата косовска јасност, па и Федерацијата, до последен момет се надеваа дека голгетерот ќе успее и со минимум сили да дојде за важниот бараж.
Муриќи, откако дојде во Лацио пред месец дена од Фенербахче, се мачи со повреда, а едно време беше и во самоизолација поради позитивен тест на COVID-19. Карантинот додатно му направи проблем бидејќи не можеше нормално да ги одбработува тренизите за опоравување.
Синоќа лекарниот тим на Лацио му направи прегледи, кои на почеток дадоа оптимистички резултати дека ќе може веднаш да се качи на авион и да ѝ се приклучи на репрезентацијата, но потоа сето тоа падна во вода. Муриќи не е способен да игра, не само утре против Македонија, туку отпаѓа и за наредните два натпревара на Косово во Лигата на нации против Словенија и Грција.
„Последниот тест уште еднаш покажа дека дефинитивно нема шанси Муриќи да биде спремен за натпреварот во четврток против Македонија, ниту пак за наредните два натпревара кои нашиот тим ќе ги игра во Лигата на нации“, извести ФФК.
Со 8 голови Муриќи е најдобар стрелец во кратката историја на репрезентацијата на Косово. Претходно, исто поради повреда, отпадна и Милот Рашица, одличниот офанзивец на Вердер.
Се очекува Шаланд утре на „Тоше Проески“ да истрча со напаѓачот на кипарски АПОЕЛ, речиси 2 метра високиот Атде Нухиу.