Еве едно интересно истражување за љубителите на фудбалската статистика.
За време на еден фудбалски натпревар фудбалер трча во просек околу 60 до 65 минути, а неговиот пулс изнесува меѓу 170 и 175 отчукувања на срцето во минута.
Но, во зависност од интензитетот на натпреварот пулсот може да забележи скок и до 200 отчукувања на срцето во минута.
Проценката на експертите од специјализираниот портал Physic football е дека професионален фудбалер во просек остварува околу 50 до 55 дуели, на земја и воздух, меѓу 25 и 40 скокови и 2 до 8 рушења на противникот во текот на дефанзивните задачи.
„Пред секое излегување на теренот ставам капа на главата, потполно се концентрирам и единствено што слушам околу мене е работата на мојот пулс. Ги слушам отчукувањата на моето срце, го следам тој ритам и така се подготвувам за предизвиците кои следат“, вели ѕвездата на Баерн, Ариен Робен.
Бројките секако може да бидат различни, во однос на тоа дека секој фудбалер не игра на иста позиција, тактиката на тренерите е различна, има влијание и тоа дали натпреварот се игра на домашен или гостински терен и физичката подготвеност на поединецот.
Сепак, пресметано е просечно дека голманот трча 5,30 километри по натпревар, бековите 10, 43, стоперите 10, 67, фудбалерите од средината на теренот 11, 57, крилните фудбалери 12, 30, а напаѓачите околу 11 километри по натпревар.
