Раперот Ти-Ај на Твитер објави видеоспот кој претставува пародија на посетата на неговиот колега Кање Вест во Белата куќа.
Во спотот-пародија, при престојот на Кање во Овалната соба, американската прва дама Меланија Трамп му приредува стриптиз. Секако, тоа не се вистинските Кање и Меланија.
- Како може тоа да биде прифатливо, напиша на Твитер портпаролката на Меланија Трамп, Стефани Гришам, повикувајќи на бојкот на спотот.
Фамозната двојничка на Меланија е актерката и модел Мелани Марден од Канада.
Таа во видеото во еден момент на себе ја има само фамозната јакна со натпис „Навистина не ми е гајле, а тебе?“, за која беше жестоко критикувана оти ја носеше при посета на деца имигранти одделени од родителите.
