Кина објави дека ќе го стопира влезот во земјата на странци со валидни визи и издавање дозволи за престој во обид да се ограничи бројот на случаи на заразени со коронавирусот „увезени“ од странство.
Забраната стапува во сила в сабота, според соопштение објавено на веб-страницата на кинеското Министерство за надворешни работи. Министерството додава дека влезот со дипломатски или деловни визи нема да се промени.
Странците кои доаѓаат во Кина од економски, трговски, научни или технолошки причини активност, сѐ уште може да аплицираат за визи.
Овој потег следува по информациите дека во изминатите десетина дена во Кина нема локално пренесени случаи на коронавирусот, но бројот на „увезените“ случаи од странство се зголемуваат.