УЕФА дури сега ја донесе одлуката за дивеењето на англиските навивачи на финалето од Европското првенство.
Европската куќа на фудбалот донесе одлука Англија да игра два домашни натпревари без публика, од кои вториот натпревар е условен доколку во наредните две години англиските навивачи направат нови проблеми. Воедно, ФА доби и казна од 100 илјади евра.
Казната е резултат на дивеењето на англиските навивачи на финалето од ЕУРО 2020 кога се судрија со полицијата. Поради пандемијата, капацитетот на „Вембли“ беше ограничен, а стотиците гневни навивачи кои останаа без билет се судрија со полицијата пред стадионот обидувајќи се насила да влезат и да бидат сведоци на историското финале на нивната репрезентација против Англија. Мала група дури и успеа да се пробие и да влезе на стадионот, а тепачката продолжи и по започнувањето на натпреварот.
Фудбалската асоцијација тогаш инцидентите ги нарече „тотално неоправдани“ и „срам за англиската репрезентација“.
Инцидентите завршија со 19 повредени полицајци и 49 уапсени навивачи.
Како што е познато, Италија ја соблада Англија на пенали откако натпреварот заврши 1:1.
Наредниот домашен натпревар на Англија е на 12 ноември против Албанија во рамките на мундијалските квалификации, во нема потврда од УЕФА дали казната ќе биде за овој натпревар или за првиот натпревар од новата сезона во Лигата на нации, натпреварување кое е под палката на УЕФА, за разлика од Муандијалот кој го организира ФИФА.