Поранешниот играч на Севиља, Лион и Тотенхем, Фредерик Кануте, го критикуваше тимот на ПСЖ за начинот на кој пробува да го изгради составот. Тој смета дека на тимот не му требаат повеќе скапи трансфери, туку дека им е потребно искуство.
Кануте имаше многу критики за тимот и раководството на ПСЖ, но го пофали тренерот на екипата, Унаи Емери.
Францускиот гигант потроши многу пред почетокот на оваа сезона, купувајќи го Нејмар за 222 милиони евра, а потоа и Килијан Мбапе за 180 милиони евра. Сепак, тие не успеаја да го донесат очекуваниот успех во првата сезона, а Кануте смета дека ПСЖ е далеку од успех и во наредните неколку години, поради пристапот со кој влегуваат во сезоната.
„ПСЖ купија многу ѕвезди во изминатите неколку години, но купувањето ѕвезди нема да го направи тимот голем. На овој клуб му треба стабилност, играчите треба природно да се навикнат на составот“, рече Кануте.
Реал Мадрид го елиминираше ПСЖ уште во првото коло од нокаут-фазата во Лигата на шампионите, и во фудбалскиот свет многумина шпекулираа дека Унаи Емери ќе си замине од клупата на крајот од сезоната. Но, Кануте е негов фан и смета дека Шпанецот заслужува уште една шанса.
„Ми се допаѓа уште откога бев да ги посетам моите поранешни соиграчи во Севиља. Го гледав како работи со страст на тренинзите и навистина мислам дека поседува квалитет за да води врвен клуб“, додаде Кануте.
Според Кануте, Емери не може да ја докаже неговата вредност како тренер на ПСЖ бидејќи ѕвездите во тимот многу често го засенуваат. Но, и покрај тоа, тој вели дека би уживал играјќи фудбал доколку Емери му е тренер.