Во погоните на Volkswagen во Цуфенхаузен во септември почна производството на моделот Porsche Taycan.
Станува збор за нова фабрика на германскиот автомобилски гигант што почна со работа пред четири години, што ја нарекуваат „фабрика на иднината“ бидејќи има нула негативно влијание на околината.
Во погоните се користат обновливи извори на енергија, а сѐ се движи на струја, вклучувајќи ги логистичките возила.
Моделот Taycan се произведува со помош на исклучително напредни и прецизни роботи под надзор на високостручен персонал.
На оваа снимка направена во Цуфенхаузен може да видите како се прави еден автомобил на моделот Taycan чии први примероци ќе им бидат испорачани на купувачите во декември.
Овој електричен спортски автомобил со 4 врати може да развие до 750 коњски сили, забрзува од 0 до 200 км/ч за само 9,8 секунди и со едно полнење може да помине до 450 километри.