Промената на времето влијае на сите. Врнежливо, студено, сиво. Сите се безволни, нервозни и уморни.
Откако ќе се појави овој период, се јавува еден вид вознемиреност кај луѓето која се нарекува анксиозност.
Докторката Клер Морисон, вели дека многу луѓе не сфаќаат колку е вообичаена тегобата која се јавува во есен.
Ако секоја година се чувствувате така, мора да преземете нешто.
Симптомите на есенската анксиозност се лошо расположение, депресија, анксиозност, непотребна грижа, раздразеност, летаргичност, поспаност и безволност.
Докторка Морисон истакнува дека една од причините за вознемиреноста е намалување на сончевата светлина што доведува до пад на нивото на серотонин. Овој важен хормон влијае на расположението, апетитот и начинот на спиење. Исто така, во есен се зајакнува хормонот мелатонин кој има тенденција да предизвикува поспаност и пад на расположението.
Недостатокот на сончева светлина се поврзува со недостаток на витамин Д, а тоа е уште една причина за есенската анксиозност.
За да поминете побргу низ овој период, Морисон предлага да излегувате на дневна светлина, да станувате рано за да го искористите денот, да вежбате и да ги практикувате сите останати активности кои можат да ви го подобрат расположението.
Креативната работа е исто така корисна затоа што бара многу внимание и љубов. Доколку имате проблем да се фокусирате и губите волја за било каква активност, Морисон ве советува да се фокусирате кон решавање на овој проблем. Не откажувајте се, насочете ги мислите и енергијата кон вашето омилено хоби.
„Некои луѓе навистина тешко го поднесуваат овој период и не се во можност да се изборат со сезонската анксиозност. Во тој случај, најдобра опција е да побарате помош од некое стручно лице“, заклучува докторката.
