Миди здолништата и фустаните се голем хит веќе неколку сезони, но многу жени ги одбегнуваат бидејќи не знаат како да ги комбинираат.
Точно е дека не прилегаат на секој тип на тело, но со вистинскиот избор на обувки може да изгледаат фантастично. Идеално би било да ги комбинирате со чевли или чизми со високи потпетици, но брзото живеење налага удобноста да ни биде на прво место.
За среќа, патиките веќе подолго време се редовен избор на најпознатите трендсетерки кои комбинираат и најсвечени парчиња со квалитетен пар патики.
Водејќи се по тоа, и миди здолништата и фустаните не се исклучок. Единствено нешто на кое треба да внимавате е ако имате поситна градба или сте пониски, да ги одбегнувате моделите со А-крој и патиките над глужд.
Оваа есен препорачуваме да ги носите миди фустаните во лежерни комбинации со патики, следејќи некои од есенските трендови, како белата боја и животинските принтови.
Комбинирајте ги со кратка кожена јакна, плетен џемпер на закопчување или есенски мантил.
Наша препорака се безвременските бели кожени патики што може да ги комбинирате буквално со сѐ.
