Концепти

Како би можел да изгледа новиот VW Golf GTI?

9. декември 2019 - 15:38 | М.С.

Volkswagen неодамна ја претстави осмата генерација на моделот Golf, а веќе наредната година ќе ги видиме моделите GTI, R, GTI TCR и GTD.

Додека ги чекаме новите верзии на „осумката“, рускиот магазин Kolesa објави рендери кои наговестуваат како би можел да изгледа новиот GTI.

Рендерите се базирани на „шпионските“ фотографии кои го покажаа GTI со малку камуфлажа, така што не е тешко да се замисли како ќе изгледа новиот автомобил кога официјално ќе биде претставен наредната година.

GTI сè уште има суптилен спортски дизајн во однос на стандардниот Golf, така е со години наназад и се очекува да продолжи традицијата.

Дискретните црвени детали и агресивниот преден браник дефинитивно ќе бидат дел од новиот GTI.

Новиот Golf ќе има 256 коњски сили благодарејќи на plug-in хибридниот погон на GTE моделот.

Претставувањето на „осумката“ се очекува во првата половина на 2020 година.

VW Golf се појави во 1974 година. Во своите 45 години постоење има забележано продажба од над 335.000.000 единици. Во ерата на кросовери, Golf и понатаму суверено владее со Европа.