Клубовите од Серија А одржаа виртуален состанок на кој дискутираа за иднината на прекинатата сезона.
На состанокот се судрија претставниците на Јувентус и Лацио, двата водечки клуба чија разлика е само еден бод. Претседателот на Јувентус, Андреа Ањели, цели кон целосен прекин на првенството и Скудетото да биде доделоно на првопласираниот тим во моментиот, а тоа е токму неговиот Јувентус.
На такво нешто, нормално, немаат намера да се согласат од таборот на Лацио. Претседателот Клаудио Лотито ги убедувал останатите дека неговите извори велат дека епидемијата полека се намалува и поради тоа првентсвото ќе може наскоро да продолжи.
Tuttosport во детали ја открива нивната виртуелна препирка:
„Ги гледате ли податоците? Кај и да е ќе се повлече! Го знам тоа бидејќи зборувам со доктори кои се експерти и кои се во првите редови, а не со докторите од клубовите“, рекол Лотито.
На тоа Ањели одговорил: „Абе ајде, сигурно: сега стана и експерт виролог“.
По 26 кола во Калчото лидер е Јуве со 64 бодови пред Лацио со 63, додека трет е Интер со 54, но и со натпревар помалку.
