Кошаркарите на Денвер Нагетс на домашен терен го совладаа тимот на Њу Орлеанс Пеликанс со 122:113, а новата нереална доминација ја потврди и српскиот центар Никола Јокиќ кој уште еднаш оствари трипл-дабл.
Пеликанс подобро го отворија натпреварот и водеа по првата четвртина. Успеаја да го одржат водството до паузата, па првото полувреме заврши со 60:57 за гостите.
Пресвртот се случи во третата четвртина кога Нагетс одиграа фантастично, а до крајот на натпреварот успеаја да ја задржат предноста за нова важна победа.
Јокиќ за 37 минути поминати на паркетот постигна 26 поени, 18 скокови и 15 асистенции. Имаше поддршка од Џамал Мареј, кој постигна 32 поена. Кај Пеликанс најдобри играчи беа Херберт Џонс и СиЏеј МекКолум кои постигнаа по 21 поен.
Српскиот кошаркар уште еднаш имаше неколку феноменални потези кои ги воодушевија навивачите во НБА. Коментаторите беа во неверување кога со една финта во продор измами двајца играчи и погоди под фаул, а незаменливи беа и неговите неверојатни асистенции, па повторно воодушеви со едно додавање од зад грб.
Инаку, Денвер е на првото место во Западната конференција со 35 победи и 16 порази, додека Пеликанс се на деветтата позиција со скор 26-26.
Резултати:
Кливленд Кавалирс - Мајами Хит 97:100
Њујорк Никс - Лос Анџелес Лејкерс 123:129 прод.
Чикаго Булс - Лос Анџелес Клиперс 103:108
Милвоки Бакс - Шарлот Хорнетс 124:115
Денвер Нагетс - Њу Орлеанс Пеликанс 122:113
Табела:
