Македонија

Јакимовски останува во куќен притвор

22. март 2019 - 19:00 | МИА

Скопје, 22 март 2019 (МИА) – Поранешниот градоначалник на Општина Карпош Стевчо Јакимовски останува во куќен притвор и му се забранува комуникација со лица опфатени во кривично-правниот настан.

-Постапувајќи по жалба на одбраната и обвинетиот, Кривичниот совет на Одделението за организиран криминал и корупција за С.Ј. ја одби жалбата, ја потврди мерката куќен притвор и дополнително му определи мерки и тоа забрана за комуникација со лица опфатени со кривично-правниот настан и забрана за употреба на средства за комуникација без дозвола на судот, соопштија од Кривичниот суд за МИА.

За В.С. и Т. Ѓ. Кривичниот совет ги потврдил решенијата во целост.