Хроника

Изгоре автомобил на автопатот Куманово-Скопје кај Агино село

9. март 2019 - 14:37 | МИА
Куманово, 9 март 2019 (МИА) – Автомобил „мерцедес 220“ изгоре на автопатот Куманово-Скопје кај Агино село, соопшти кумановската полиција. 
 
Полицијата изврши увид и констатира дека возилото се запалило во движење.
 
Седумдесетгодишниот возач од кумановско Лопате со „мерцедесот 220“ со швајцарски национални ознаки се движел по автопатот кон Скопје. При возењето заблежал густ црн чад под хаубата. Тој застанал на десната страна и заедно со сопатничката излегле надвор.
 
За кратко време автомобилот целосно изгорел.
 
Истрагата на полицијата ќе ги покаже причините за опожарувањето на возилото.