Претставници на Интер ќе се сретнат со напаѓачот Мауро Икарди во јануари за да го продолжат неговиот договор.
Икарди е актуелен капитен на Интер, а последен пат потпиша договор со тимот во октомври минатата година, што трае до 2021 година.
Намерата на челниците на тимот е да го задржат аргентинскиот напаѓач, а во јануари планираат да го финализираат продолжувањето на нивната соработка до 2023 година со тоа што во новиот договор откупната клаузула за Икарди ќе порасне на 130 милиони евра.
Оваа сума не е толку висока кога ќе се земе предвид моменталната ситуација на пазарот на побарувачка и фактот дека Реал Мадрид има покажано интерес за Икарди.
Со новиот договор Икарди би можело да добие годишна плата од 7 милиони евра, што е значително зголемување во споредба со моменталните 4,5 милиони евра.