Шокантни вести доаѓаат од Шведска каде реномиран медиум објави дека Златан Ибрахимовиќ може да добие забрана за бавење со фудбал во времетраење од 3 години.
Дневниот весник Aftonbladet во денешното издание излезе со неверојатни информации според кои Златан Ибрахимовиќ би можел да се соочи со приморан крај на кариерата и тоа поради суспензија од страна на ФИФА.
Имено, Ибра инвестирал во обложувалница со седиште на Малта од која купил 10% од акциите. Се работи за компанијата за игри на среќа Bethard чии корени се во Шведска.
Но, ФИФА во своите правила им забранува на фудбалерите кои учествуваат во нејзините натпреварувања да имаат финансиски интереси во компании за игри на среќа. Етичкиот кодекс на ФИФА вели дека секој што ќе ги прекрши овие правила се соочува со забрана за бавење со фудбал до најмногу три години.
Златан во октомври ќе наполни 40 години и би било навистина штета на таков начин да ја заврши кариерата за која сѐ уште нема најавено план за пензија.
