Huawei поднесе нова тужба против САД поради обвинувањата дека кинескиот технолошки гигант претставува закана за безбедноста.
Тужбата се должи на санкциите кои Федералната комисија за комуникации на САД им ги одреди на американските оператори на коишто им забрани да купуваат опрема од Huawei со пари од државниот фонд.
Со повторувањето на обвинувањата од страна на САД - дека Кинезите го користат Huawei за шпионирање, а сето тоа поради односите со кинеската влада, од компанијата црвсто тврдат дека не постојат никакви безбедносни ризици.
Huawei, oд американскиот Апелационен суд бара да ја поништи одлуката со која на мобилните оператори од рурарните делови на Америка не им дозволува да користат пари од владиниот фонд за помош за купување на опрема од кинеската компанија.
На конференцијата за новинари во седиштето на Huawei во Шенжен, претставници од компанијата Huawei рекоа дека „Америка никогаш не им доставила вистински докази за нејзините тврдења, дека Huawei е закана за националната безбедност на САД. Тоа е затоа што не постојат никакви докази“.
Ова е веќе втора правна постапка која Huawei ја покрена против администрацијата на американскиот лидер Доналд Трамп, откако во мај ги обвинија за истиот спор.
