Грчкото министерство за култура соопшти дека археолозите ги лоцирале првите конкретни остатоци од изгубениот древен град што според преданијата, го основале тројанските воени заробеници откако Грците ја уништиле Троја.
Во соопштението од министерството стои дека истражувањата траеле од септември до октомври на Пелопонез и дека доказите го потврдиле постоењето на древниот град Тенеа за кој досега се знаело само од древните текстови.
Главниот археолог Елена Корка која вршеше истражувања во оваа област од 2013 година, рече дека тимот открил ѕидови, отвори за врати, подови што најверојатно се од куќи, како и керамики што датираат од 4. век пред н.е..
Истражувањата продолжуваат на гробиштата околу древна Тенеа.