Случајно или намерно, магазинот GQ ја прогласи Серена Вилијамс за жена на годината, во наводници. Токму тоа ги налути нејзините обожаватели кои алудираат на претходните коментари за тенисерката во кои многумина ја споредуваат со маж.
Зошто зборот „жена“ е ставен во наводници? Личнo Вирџил Аблоу, сопственик на модната куќа Off-White и уметнички директор на модната куќа Louis Vuitton, ги напишал наводниците со кои е напишан зборот на насловната страница на магазинот. Некои критичари сметаат дека тоа намерно го направил, по повод обвинувањата на сметка на Серена и нејзината женственост.
Нејзините обожаватели се навредени поради ова, но има и такви кои сметаат дека станува збор за заштитен знак на Аблоу, односно дека неговата намера не била да ја навреди тенисерката. Тој и претходните дизајни за Серена ги има направено со наводници. Но, сепак требало да биде малку повнимателен кога станува збор за Серена и навредите за нејзиниот пол.
Минатата година Серена напиша отворено писмо до јавноста во кое призна дека со години ја нарекуваат маж поради изгледот и мускулите. Ја обвинувале дека користи сè и сешто, дека местото не ѝ во женски туку во машки спорт и слично.
„Не, јас само напорно работам и вежбам, родена сум во ова силно тело на кое сум многу горда“, напиша тогаш Серена.