Тројца дебарчани претепале жител на општина Центар Жупа, го ставиле во багажник од возило и го оставиле на брегот на Дебарското Езеро.
Инцидентот се случил вчера попладне околу 13 часот, во Центар Жупа, додека педесет и седумгодишниот жител на оваа општина седел на тераса од ресторан.
Тројцата дебарчани дошле со автомобил „голф 4“, почнале да го удираат со тврди предмети по главата и телото, по што нападнатиот паднал во бессознание.
Потоа го ставиле во багажникот од патничкото возило и го однеле покрај брегот на Дебарско Езеро, каде повторно го тепале и го оставиле.
Повредениот од страна на полициски службеници е пронајден со видливи повреди по главата и целото тело.
Во ПС - Дебар приведени се горенаведените лица, за настанот известен е јавен обвинител. Се преземаат мерки за целосно расчистување на случајот.
