Музика

Евровизија откажана поради пандемијата со Covid-19

18. март 2020 - 15:43 | Б.С.Б.

Оваа година Евровизија е одложена за 2021 година поради здравствените мерки имплементирани во земјите низ светот, со цел да се запре пандемијата на болеста COVID-19.

Објавена е официјална изјава во која целиот настан во Ротердам е откажан и презакажан за 2021 година.

„Поради ширењето на COVID-19 низ Европа и рестрикциите поставени од владите на учесниците, како и од холандските власти, невозможно е да се продолжи со настап во живо, според планираното. Горди сме што Евровизија ја обединува публиката секоја година, без прекин во последните 64 години и исто како и милиони обожаватели низ светот, сме екстремно тажни што нема да се одржи во мај. Ротердам ќе биде домаќин во 2021 година“, стои во соопштението.

Минатата година 182 милиони луѓе гледаа Евровизија, а 41 земја учествуваа.