Чикаго, 24 септември 2018 (МИА) – Селекцијата составена од европски тенисери го освои трофејот во „Лејвер купот“, откако го победи тимот на Светот со 13:8. Предноста од пет победи е недостижна па затоа мечевите предвидени за денеска се откажани.
„Лејвер куп“ е ревијално натпреварување на кое настапуваа голем број тениски ѕвезди. Во Чикаго се појавија Роџер Федерер, Новак Ѓоковиќ, Кевин Андерсон, Џон Иснер, Давид Гофан, Александар Зверев и други.
„Сакам да оддадам признание на сите играчи кои настапија на ова натпреварување. Ми беше задоволство да сум дел од овој настан“, изјави Ѓоковиќ.
Покрај него за тимот на Европа играа: Федерер, Гофан, Григор Димитров, Кајл Едмунд и Жереми Шарди.