Останати спортови

Џошуа против Пулев на 20 јуни на стадионот на Тотенхем

2. март 2020 - 20:35 | МИА/КАЈГАНА

Ентони Џошуа и Кубрат Пулев договорија боксерски спектакл на 20 јуни на стадионот на Тотенхем во Лондон.

Бугарскиот боксер Пулев со години е при врвот на на светската листа на најдобри тешкаши и во 29 борби досега загуби само една и тоа од Владимир Кличко во 2014 година. Потоа „врза“ осум победи од кои највредната против Дерик Чисоре, па сега повторно му се укажува прилика да се бори за светската титула.

Ентони Џошуа, пак, успеа да ги врати титулите што ги загуби по неочекуваниот пораз од Енди Руиз, меѓутоа против 194 сантиметри високиот Пулев во никој случај нема да помине лесно во рингот.