Свет

Две лица во Австрија заразени од корона вирус

25. февруари 2020 - 14:16 | МИА

Виена, 25 февруари 2020 (МИА) – Австриските власти потврдија дека кај две лица е потврдено присуството на корона вирусот Covid-19.

Во првиот случај се работи за 24-годишен маж кој изминатиов период престојувал во италијанска област Ломбардија, каде има голем број заразени лица. Тој со симптоми на треска и висока температура бил хоспитализиран во Инсбург, каде што лекарите потврдиле дека се работи за лице заразено со корона вирус.

Вториот потврден случај во градот Линц, каде што 55-годишен маж е хоспитализиран со симптоми на болеста. И тој изминатиот период престојувал во Италија, па лекарите сметаат дека таму и се заразил.