Архитектура

Дубаи ја доби најголемата зграда направена со 3D принтер

24. декември 2019 - 18:49 | Б.С.Б.

Градежната компанија Apis Cor со помош на современата технологија ја изгради највисоката зграда во Дубаи, направена со 3D принтер.

Со висина од 9,5 метри и површина од 640 метри квадратни компанијата тврди дека е тоа најголемата градба направена со 3D принтер.

Apis Cor разви материјал на база на гипс кој минува низ посебен 3D принтер, а кој го прави локална фирма за производство и складирање на градежен материјал.

Принатњето се одвивало на отворено за да се докаже дека оваа технологија може да поднесе тешко опкружување, без контрола на влажноста и температурата.

Зградата е поставена на конвенционални темели, а 3D принтаниот материјал е зацврстен со бетон и арматура.

За подовите се користени плочи претходно испринатни, а конвенционални прозорци и покрив се додадени откако се кренати ѕидовите.

„Проектот ни овозможи уникатно знаење и непроценливо искуство кое ќе ни помогне во подобрување на нашата технологија и развој  на нова верзија на нашиот 3D принтер. Овој проект е огромен исчекор во индустријата на 3D принтањето“, изјави Никита Чениунтаи, извршен директор и основач на компанијата Apis Cor.