Walt Disney Studios и режисерот Кенет Брана за првпат ќе ја оживеат приказната за „Artemis Fowl“, базирана според истоимената книга на Еоин Колфер.
Трејлерот ветува возбудлива приказна низ светови на фантазијата и шпионажата, следејќи го патот на едно мало момче кое мора да го премине мостот меѓу двата света, додека се обидува да го пронајде својот исчезнат татко.
Премиерата е закажана за 29 мај, а Disney објави нов возбудлив трејлер за филмот. Во главните улоги ги гледаме Колин Фарел, Џуди Денч, Џош Гад, Лара Мекдонел и Нонсо Анози. Младиот Фердиа Шо ја толкува главната улога.
Филмот е со буџет од 125 милиони евра.