Берзите затворија минатата недела во неизвесна атмосфера. Не е тешко да се претпостави зошто – ширењето на новиот корона вирус зазема поголеми размери низ Европа и има конкретни знаци дека дел од најголемите светски стопанства би можело да влезат во рецесија бидејќи епидемијата на корона вирусот само ги „консолидира“ слабостите што веќе постоеја.
Да ја земеме Јапонија – третото најгоелмо стопанство во светот се намали за 1,6% во четвртиот квартал од 2019 година откако земјата ги апсорбираше последиците од зголемувањето на данокот на продажба и од разорниот тајфун. Вакво намалување во споредба со претходен квартал немало од 2014 година.
ZEW, Индикаторот на економската состојба во Германија кој внимателно се следи, забележа англо опаѓање во февруари, одразувајќи ги стравувањата дека вирусот би можел да се одрази на светската трговија.
Економистот Итан Харис од Bank of America укажува дека многу помали стопанства исто така страдаат во оваа ситуација. Хонгконг е веќе во рецесија, а и Сингапур се очекува да го снајде иста судбина.
Податоците за БДП во четвртиот квартал во Индонезија покажаа рекорден пад во изминативе три години, додека во Малезија имаше најлош пад во зиминативе 10 години.
Сево ова укажува дека пстои огромна загриженост колку е способно глобалното стопанство да го издржи шокот од корона вирусот.
Харис вели дека слабиот квартал најверојатно е резултат на заостанатата штета од трговската војна меѓу Кина и САД, а корона вирусот само ја влошил состојбата.