На Бразилскиот фудбалер Дани Алвес (40) ќе му се суди за сексуален напад, казнена категорија која вклучува силување, во Шпанија. Поранешниот бразилски репрезентативец и ѕвезда на трофејната генерација на Барселона се соочува со обвиненија за сексуален напад во ноќен клуб во Барселона на 31 декември 2022 година.
Дани Алвес почетокот на судењето го чека во затвор, каде што е од јануари, а доколку биде прогласен за виновен, му се заканува затворска казна од шест до 12 години.
El Español објави дека Алвес ја променил стратегијата. Тој го отпушти адвокатот Кристобал Мартел и ја ангажирал Инес Гуардиола, адвокатка специјализирана за сексуални напади и кривично право.
Шпанскиот новинар Карлос Куилес наведува дека Алвес „ќе се обиде да ја намали казната што е можно повеќе“.
Според извори на El Español, Алвес ќе ѝ плати финансиска отштета на жртвата и ќе ја признае вината. Да потсетиме, Алвес пет пати ја менуваше изјавата, а секој пат тврдеше дека не е виновен.
Алвес ја започна својата кариера во својата татковина во Баиа, а потоа играше за Севиља, Барселона, Јувентус, ПСЖ, Саун Паолу и мексикански УНАМ.
Во текот на кариерата освои дури 40 трофеи. Најмногу успеси имаше со Барселона, со која освои 23 трофеи, 6 со ПСЖ, 5 со Севиља, 4 со репрезентацијата на Барзил и 2 со Јувентус.
Притоа освои 3 титули во Лига на шампиони, а со Бразил двапати беше шампион на Јужна Америка. Во својата кариера одигра 909 натпревари, постигна 65 гола и забележа 216 асистенции.
