Честите состаноци на грчките официјални лица со претставници на Косово ги натераа многумина да се запрашаат дали претстои признавање на независноста на Косово.
Интеракциите меѓу Приштина и Атина станаа почести во првата половина на оваа година. Косовскиот премиер Албин Курти минатата недела ја посети Грција, каде беше примен од премиерот Кирјакос Мицотакис, проследено со низа меѓусебни посети.
Грчкиот министер за одбрана Алексис Ципрас е на списокот на луѓе кои ги запознал Курти, пишува Клариса Фетаху за Приштина инсајт.
Ова проширување на билатералните односи натера многумина да се прашаат дали Грција е близу до официјално формално признавање на приштинските власти, по долга низа години во кои Атина беше неутрална и одржуваше статус кво.
Претходно, Атина цврсто стоеше на ставот дека, како членка на ЕУ, е отворена за признавање на независноста на Косово дури по склучувањето на договорот за нормализација со Србија, но тоа не се случи, и тешко дека ќе се случи.
Во јуни годинава грчкиот министер за надворешни работи, Никос Дендиас ја посети Приштина, втора посета за помалку од една година. Дендиас тогаш изрази подготвеност да му помогне на Косово во процесот на визна либерализација. После таа посета, Канцеларијата за економски и трговски работи на Косово во Атина беше промовирано во Канцеларија за интереси, што покрај економската соработка, вклучува и развој на политички односи.
Досега, Грција се придржуваше до меѓународното право во врска со независноста на Косово пред сѐ заради позицијата на Северен Кипар, кој беше окупиран во 70-тите години на минатиот век и е основан како независна држава од Турција.
Сепак, се чини дека ова нема да биде голема пречка за Атина ако навистина се покаже дека сака да воспостави официјални односи со Косово.
Во минатото, грчкото гласање овозможи Косово да се приклучи на Светската банка, Европската банка за обнова и развој и други меѓународни економски институции, вклучувајќи ги Меѓународниот монетарен фонд и Банката за развој на Советот на Европа. Грција исто така учествува во мисијата КФОР на ЕУЛЕКС и на НАТО.
Во суштина, во овој момент, Атина и Приштина соработуваат во скоро сите области, и останува само грчкото признавање на Косово за да ги зајакне дипломатските врски.
