Авто новости

Cupra Leon официјално најавен пред премиерата

13. февруари 2020 - 14:11 | М.С.

По бројните шпионски фотографии, новиот Cupra Leon конечно ќе дебитира на 20 февруари оваа година.

Шпанскиот бренд на спортски автомобили кој сега постои посебно од Seat, само што ја откри официјалната најава на својот спортски компактен автомобил.

Cupra наскоро ќе го претстави првиот Leon во историјата како самостоен бренд. Cupra Leon ќе пристигне во хетчбек верзија и караван, а од овој бренд очекуваат продолжение на успехот кој го имаше претходната генерација на овој спортски компакт.

„Leon Cupra беше бестселер, со скоро 44.000 продадени примероци“, изјави Вејн Грифитс, извршниот директор на Cupra. „Со лансирање на новата Cupra Leon ќе го зајакнеме брендот Cupra и ќе му дадеме нов идентитет на препознатливиот автомобил. Новиот Cupra Leon е кралот на Leon“.

Од Cupra потврдија дека новиот спортски Leon ќе биде првиот модел од серијата кој ќе има plug-in хибриден погон.

Минатата година Грифитс откри дека PHEV системот ќе го комбинираат со 1,4-литарски турбо мотор со електричен мотор за вкупната сила на системот од 245 коњски сили.