Премиерот на Италија Џузепе Конте најави откажување на сите спортски настани во провинциите Ломбардија и Венето.
Меѓу нив се и четири натпревари од Серија А. Причината за оваа одлука се случаите на заразени со корона вирусот Covid-19 во посочените региони.
Одложени се натпреварите:
Верона – Каљари
Аталанта – Сасуоло
Интер – Сампдорија
Торино – Парма
Не се објавени нови датуми за натпреварите.
Во Италија се пријавени 79 случаи на заразени со новиот корона вирус – повеќе отколку во другите европски земји, 47 од нив се во Ломбардија, 17 – во Венето. Училиштата не работат во овие региони. Досега две лица починаа од оваа болест во земјата.