Совршена брза торта за топлите летни денови што може да ја направи секој, а најдобро од сѐ е што не треба да се пече.
Потребни состојки:
200 гр мелени бисквити или кекс
100 гр стопен путер
1 банана
2 киви
50 мл сок од портокал
Малку малини или јагоди и екстракт од малина/јагода
200 гр крем сирење
200 гр шлаг пена
Подготовка:
Во мелените бисквити додадете го стопениот путер и добро измешајте за да се соедини смесата. Потоа распоредете ја на дното и по страните на мал ребрест плех. Оставете го половина час во замрзнувач.
Изматете ги пенасто крем сирењето и половина од шлагот. Поделете ја смесата на три дела. Во првиот дел ставете ја згмечената банана, во втората малините/јагодите и екстрактот, а во третиот сечканите киви.
Наредете ги филовите еден врз друг или еден до друг, по желба, врз оладената кора. Украсете по желба со остатокот од шлагот и парчиња овошје. Чувајте ја тортата во замрзнувач два часа, а потоа сервирајте ја.
