Легендата на англискиот фудбал синоќа присуствуваше во живо на натпреварот на неговата Англија против Франција и во тажно расположение мораше да си замине.
Дејвид Бекам синоќа беше во ложата на стадионот „Ал Бајт“ каде Англија и Франција го одиграа последното четвртфинале. На негово незадоволство Англија загуби со 2:1 откако во 84. минута Хари Кејн промаши пенал за израмнување. Бекам упати зборови со поддршка и до капитенот и до целата репрезентација.
„Нашите момци ќе продолжат да напредуваат. Секогаш е најлошо чувството да се разбудиш откако си бил елиминиран од турнир, но нашите играчи, Гарет, стручниот штаб и сите наши навивачи можат да бидат горди на овој тим... Само вистински лидер презема одговорност во ваков момент и тоа е она што нашиот капитен го направи. Наредниот пат ќе има поинаков крај, си заминуваме со високо кренати глави“, напиша Бекам на социјалните мрежи.
Бекам со Англија беше дел од 3 Мундијали, но ниту тој немаше успех. Во 1998 беше запрен на пенали од Аргентина во осминафиналето, во 2002 од Бразил со 2:1 во четвртфиналето, а во 2006 на пенали од Португалија исто така во четвртфиналето. Во 2010 не беше во составот поради повреда на Ахиловата пета.
