Французинот се покаја што во 2019 година го напушти Мадрид и се пресели во Каталонија.
Фудбалерот на мадридски Атлетико и франциски репрезентативец, Антоан Гризман, им се извини на навивачите затоа мшто во 2019 година премина во Барселона, пренесуваат шпанските медиуми.
Гризман (31) играше за Атлетико од 2014 до 2019 година, а потоа се пресели во Барселона. Минатата сезона настапуваше за Атлетико како позајмен играч токму од Барса.
Пред неколку дена Атлетико го откупи договорот на францускиот фудбалер, а пред два дена Гризман му донесе победа на својот тим против Атлетик и тоа среде Билбао.
„Промашив пенал во Бриж, а потоа во реваншот имав многу шанси. Сакав да постигнам гол, навистина сакав да му помогнам на тимот. Фактот што не можев да започнам на почетокот на сезоната беше фрустрирачки. Се обидов да му помогнам на тимот, било како замена или како стартер. Ќе бидам среќен, бидејќи децата ќе ме прашаат дали сум постигнал гол или не, а можам да им кажам дека сум постигнал“, изјави Гризман.
Тој истакна дека верува оти Атлетико ќе постигне добри резултати во преостанатиот дел од сезоната.
„Многу сум горд што го потпишав договорот. Се извинувам што го напуштив клубот, бидејќи разбирам колку тоа ги повреди навивачите. Им се извинувам за штетата што на сите им ја нанесов со тој потег. Ќе молам за прошка на теренот каде на сите ќе им покажам колку ми значи овој клубот. На вистинскиот пат сме“, изјави Гризман.
